Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i SHP të UÇK-së, tani dëshmitar i Prokurorisë së Gjykatës Special, në Hagë, Bislim Zyrapi ka dëshmuar në Hagë lidhur me përgjegjësitë e Rexhep Selimit si Inspektor i Përgjithshëm i UÇK-së. Aj sqaroi se përgjegjësitë e tij përfshinin inspektimin e njësive, gatishmërinë dhe nivelin operativ të tyre, si dhe informimin e komandantit për çdo mungesë disipline. Gjatë dëshmisë, Zyrapi theksoi se Inspektorati i Përgjithshëm i UÇK-së nuk kishte zyrë të veçantë në Divjakë dhe se sektori shpesh lëvizte mes lokacioneve të ndryshme. Ai pohoi gjithashtu se personeli që shoqëronte Selimin nuk ishte gjithmonë i Policisë Ushtarake dhe se Selimi nuk kishte njësi të veçantë, por mund të përdorte Policinë Ushtarake kur lejohej nga komandanti. Zyrapi saktësoi se Rexhep Selimi nuk kishte autoritet të marrë masa disiplinore, por vetëm të kontrollonte disiplinën, ndërsa masat disiplinore merreshin nga komandantët e zonave dhe të përgjithshëm. Ai gjithashtu sqaroi se Selimi kishte përdorur njësinë e Policisë Ushtarake për nevoja specifike, por jo për arrestime.
