Bizneset e Komunës së Rahovecit të interesuar për mënyrën e aplikimit në skemën e grandeve “Programi i Zhvillimit Rajonal të Balansuar”

31/01/2018 Institucionet

Në sallën e Kuvendit Komunal të Rahovecit, organizuar nga Agjencia për Zhvillimin e Bujqësisë, Ministria e Zhvillimit Rajonal, në mbështetje të plot nga Komuna e Rahovecit, është organizuar takim me biznese për informimin e tyre për mënyrën e aplikimit në skemën e grandeve “Programi i Zhvillimit Rajonal të Balansuar”. Kryetar i Komunës së Rahovecit Smajl Latifi, ka thënë se prezenca  juaj dëshmon interesimin për të përfituar nga skema e granteve për zhvillimin e bizneseve tuaja përmes Agjencionit për Zhvillim Rajonal nga grantet e Ministrisë për Zhvillim Rajonal. Komuna e Rahovecit ka aplikuar për grante të investimeve kapitale në fushën e ekonomisë dhe të turizmit, dhe besoj fuqishëm se do të jemi përfitues. Latifi tha në vazhdim se Ministria për Zhvillim Rajonal ka një buxhet prej 3.5 milion euro, nga 2 milion euro janë investime kapitale, ndërkaq 1.4 milion euro për përkrahjen e bizneseve. Kryetari Latifi i ka njoftuar përfaqësuesit e bizneseve se, pas këtij takimi do të nënshkruaj vendimin për themelimin e tryezës për këshillime me bizneset e Komunës së Rahovecit. Ndërsa, Musa Cena, zëvendësministër në Ministrinë e Zhvillimit Rajonal, është shprehur se ardhja masovike e juaj paraqet interesimin për grante të Ministrisë për Zhvillim Rajonal, dhe qeveria e Republikës së Kosovës në fokus e ka përmirësimin e jetës së qytetarëve dhe synimet janë që të arrihet niveli evropian i zhvillimit ekonomik rajonal. Në lidhje me procedurat të cilat duhet të ndiqen nga bizneset, për të aplikuar në këto grande ka folur Shkumbin Arifi, nga AZHR-Jug i cili ka thënë se synimi i thirrjes për propozime është zhvillimi socio-ekonomik rajonal i balansuar përmes zhvillimit të ndërmarrësisë  në pesë rajonet ekonomike të Kosovës, synimet specifike të kësaj thirrje janë: zvogëlimi i papunësisë përmes krijimi të vendeve të reja të punës me theks të veçantë të rinjtë, përkrahja e zhvillimit të bizneseve të reja dhe atyre me potencial rritjeje dhe përkrahja e bizneseve që kontribuojnë në zëvendësimin e importeve. Ai tha gjithashtu se grandet janë ndarë në loto: loto1 shumat 2,000€-5000€(mund të aplikojnë persona fizik, biznese të Reja), loto 2 shuma  5,000€ – 10,000€ (mund të aplikojnë bizneset qe afarojn deri në 2 vite) kurse loto 3 shuma10,000€-20,000€ (bizneset me të vjetra se 2 vite), për të gjitha lotet përqindja e bashkëfinancimit nga aplikantët duhet të jetë nga 10% deri në 40%.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara