Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Autoritetet e Bjellorusisë kanë njoftuar se nuk ka pasur kërkesë formale nga OSBE-ja për një vizitë me qëllim ndërmjetësimin për krizën që ka pllakosur vendin. Por një letër e datës 22 gusht, që mban firmën e kryeministrit Edi Rama, si kryesues i radhës së saj dhe ministres së Jashtme të Suedisë, Ann Linde vendi i së cilës do të mbajë presidencën e ardhshme, rithekson kërkesën zyrtarisht. Dy nënshkruesit shkruajnë aty se janë duke ndjekur nga afër dhe me mjaft shqetësim zhvillimet në vend. Ata vënë në dukje dëshirën për të vizituar Bjellorusinë në mënyrë që të shohin nga afër situatën e për të diskutuar mbi sfidat me të cilat përballet vendi aktualisht. “Bjellorusia është një shtet i rëndësishëm pjesëmarrës i organizatës sonë dhe jemi të gatshëm ta zgjerojmë mbështetjen për të”, thuhet në letër.
