leoni

Bjeshka e Strellcit ,,Stanët e Shalës” nikoqire te ditës së qethjeve të deleve këtë vit

22/07/2019 Institucionet

Në kuadër të aktiviteteve ,,Ditët e Diasporës 2019’’ Komuna e Deçanit në bashkëpunim me Grupin Lokal të Veprimit (GLV) “Gjeravica“, organizojnë aktivitetin tradicional ,,Dita e Qethjes së Deleve 2019’’. Shqiptarët me shumë mundime i kanë ruajtur gjithmonë traditat, e po i ruajmë edhe në ditët e sotme. Në bjeshkën e Strellcit, ishte “Dita e Qethave”, rit tashmë tradicional, i cili ruhet e kultivohet në viset tona ndër shekuj. Vlen të theksohet se kjo festë gjithmonë ka qenë traditë dhe ç’do vit organizohet me qëllim që t’i bashkojë gjithë qytetarët dhe bashkatdhetarët e komunës së Deçanit për të festuar, duke promovuar kulturën dhe traditën tonë. Nga të pranishmit u tha se ruajtja e kësaj tradite do të ketë efekt pozitiv edhe në stimulimin e fermerëve në zhvillimin e blegtorisë në këto anë, po ashtu ndikon në përmirësimin e kushteve të banorëve të cilët qëndrojnë gjatë sezonit të verës në këto bjeshkë, njëkohësisht ndikon në ruajtjen e riteve tradicionale po ashtu të rinjtë të njihen më ritet tradicionalë shekullore te të parëve tanë. Ky rit i qethjeve të deleve u festua me këngë, valle dhe ushqim tradicional.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara