Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke folur për luftën në Ukrainë dhe pasojat globale të saj në të ardhmen, ish kryeministri i Britanisë së Madhe, Toni Bler ka paralajmëruar se epokës së dominimit politik dhe ekonomik perëndimor po i vjen fundi. Ai ka shtuar më tutje se në të ardhmen, pritet një dominim i madh i Kinës. “Si rezultat i veprimeve të Putinit, ne nuk mund të mbështetemi më tek autoritetet kineze që të sillen në një mënyrë që ne e konsiderojmë racionale. Mos më keqkuptoni. Unë nuk po them se Kina do të përpiqet të marrë Tajvanin me forcë në të ardhmen e afërt, por ne nuk mund ta bazojmë politikën tonë në sigurinë se nuk do të ndodhë” është cituar të ketë theksuar ish kryeministri i Britanisë së Madhe, Toni Bler. Ai ka nënvizuar më tutje se nuk beson që Rusia ka kapacitet të shndërrohet në superfuqinë kryesore globale por mendon se Kina e ka këtë potencial dhe konfliktin e Ukrainës autoritetet kineze do ta shfrytëzojnë në përpjekje për t’ia marrin perëndimit frontin e më të fortit.
