Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së, Blerta Deliu-Kodra, e ka lëshuar mbledhjen e Komisionit për Integrime Evropiane. Fillimisht ajo iu ka drejtuar zëvendës-kryeministrit, Besnik Bislimi me akuza kundër qeverisë për shkarkime bordesh dhe emërime familjare. Në përgjigje, Bislimi ka thënë se politizimi nuk është bërë në mënyrë ekzogjene, nga struktura jashtë institucionit, por është bërë nga institucionet brenda dhe nga subjektet që e kanë drejtuar. Deputetja, Blerta Deliu ka shtuar me këtë rast se krejt çka është parë në qeverisjen “Kurti” në këta shtatë muaj ka qenë politizimi në punësime, me dajë, halla dhe teze. Kundër kësaj deklarate ka reaguar deputeti i Vetëvendosjes, Driton Hyseni, i cili ka kërkuar që në këtë mbledhje fokusi të jetë vetëm për Raportin e Progresit. Mirëpo zëvendës-kryeministrit, Bislimi në mënyrë cinike ka kërkuar nga deputetja, Blerta Deliu-Kodra “t ia japë kësaj qeverie kompetencën për t’i korrigjuar gabimet që janë bërë në të kaluarën”. Përgjigjja e ka nervozuar deputeten Blerta Deliu-Kodra, e cila është ngritur nga tavolina duke e lëshuar mbledhjen. Raportin i Progresit nuk u miratua në mungesë të kuorumit.
