Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së, Blerta Deliu-Kodra, ka folur sot për sulmet e Prindon Sadriut ndaj mediave, të cilat vetëm pse publikuan shpenzimet e Vjosa Osmanit gjatë kohës sa ishte deputete, i ka quajtur “ndërmarrje e përbashkët kriminale”. Ajo para deputetëve ka rikujtuar faktin se shprehja “ndërmarrje e përbashkët kriminale” është e përdorur nga prokurorët e Gjykatës Speciale kundër krerëve të UÇK-së. Prindoni burri i Vjosa Osmanit paturpësisht median e quajti ndërmarrja e përbashkët kriminale. Atij nuk i ka mjaftuar jetësimi i një aktakuze monstruoze me dokumente nga Rusia e Serbia ndaj UÇK-së. Ai me një gjuhë skandaloze i cilëson mediat si Ndërmarrje e Përbashkët Kriminale. Dua të tërheq një paralele të them që para pak ditësh jeni dëshmitar të një suspendimi të një polici për një deklaratë të tij në raport me një jetë më të dinjitetshme të policëve. S’kemi asnjë reagim të ministrit të Mbrojtjes. Nëse Vjosa Osmani e dhe Albin Kurti nuk i marrin seriozisht këto kërcënime të medieve, nuk do fshihen asnjëherë këto qëndrime që godasin median e lirë”, ka thënë mes tjerash deputetja, Blerta Deliu-Kodra.
