Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Odës Ekonomike të Kosovës, Lulzim Rafuna, ka shprehur shqetësim lidhur me bllokimin e dërgesave në kufirin e Merdares, i cili ka rezultuar në vështirësi të mëdha për bizneset prodhuese dhe transportuese. Rafuna ka bërë thirrje për lehtësimin e procedurave doganore dhe ka kërkuar nga Zyra e Kryeministrit që hyrja e lëndës së parë të lejohet edhe në pikat e tjera kufitare, por nuk ka marrë ende përgjigje. Një tjetër problem që ka dalë nga bllokimi i dërgesave është rritja e shpenzimeve financiare. Kompanitë transportuese, si vendore ashtu edhe të huaja, po refuzojnë të transportojnë mallra për në Kosovë për shkak të pritjes së gjatë në kufi. Kosova, e cila importon shumicën e produkteve nga rajoni dhe më gjerë, ka regjistruar një vlerë importi prej afër 6 miliardë euro në vitin e kaluar, ndërsa eksporti ka qenë mbi 863 milionë euro. Produktet serbe vazhdojnë të jenë ndër më të dominueset në tregun tonë, me një import prej mbi 372 milionë euro në vitin 2022, që ka rënë në gati 199 milionë euro në vitin 2023.
