leoni

Bordi i Drejtorëve i Komunës së Skenderajt ka mbajtur takimin e parë për muajin maj

03/05/2017 Institucionet

Bordi i Drejtorëve i Komunës së Skenderajt i udhëhequr nga Nënkryetari Fadil Nura ka mbajtur takimin e parë për muajin maj. Drejtorët në takim kanë raportuar për aktivitet që janë realizuar në periudhën e fundit në të gjithë sektorët. Nënkryetari Nura ka kërkuar rritje të aktiviteteve të drejtorive, sidomos në aspektin e realizimit të projekteve infrastrukturore të cilat kanë filluar tashmë ose do te fillojnë shpejt. Në takim Bordi ka diskutuar për këto çështje kryesore: rritjen e nivelit të të hyrave vetanake, ndarjen e pjesës së dytë të bursave për nxënësit, nisjen e ndërtimit të tri shtëpive për familjet skamnore, përgatitjet për procedurat e prokurimit për projektet infrastrukturore të Qendrës së Kulturës dhe Palestrës së sportit, përfundimin e projektit të ndërtimit të 11 serrave për fermerët, vazhdimin e projekteve të infrastrukturës në tërë territorin e Komunës së Skenderajt dhe për çështje të tjera specifike të drejtorive komunale. Në takim u konstatua se realizimi i projekteve po shkon sipas dinamikës së paraparë, duke respektuar kriteret profesionale, prioritet dhe kërkesat e qytetarëve. Ne fund të takimit Nënkryetari Nura konstatoi se rritja e të hyrave vetanake, dinamika në realizimin e projekteve infrastrukturore dhe disiplina financiare janë garanci për suksesin e qeverisë lokale të Skenderajt.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara