Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bordi i Asociacionit të Komunave të Kosovës, ka kërkuar me urgjencë nga Ministri i Financave dhe Transfereve të lëshojë Qarkoren e dytë Buxhetore për komunat e Republikës së Kosovës. Ky dokument është i nevojshëm për të mundësuar fillimin e procesit final të planifikimit buxhetor në nivel komunal. AKK shpreh shqetësim nëse Qarkorja nuk lëshohet në kohë, komunat mund të hasin vështirësi në organizimin e debateve me qytetarët dhe mund të dështojnë në planifikimin e buxhetit, duke ndikuar negativisht në përmbushjen e kërkesave të qytetarëve. Vonesa në dorëzimin e buxhetit më 1 shtator do të sjellë humbje të pikëve në Raportin e Performancës dhe do të penalizojë komunat në përfitimet financiare nga Granti i Performancës. Kryetari i AKK-së, Sazan Ibrahimi, thekson se vonesat e përsëritura nga Ministria e Financave dhe Transfereve kanë rrezikuar mundësitë teknike të komunave për të dorëzuar buxhetin në Kuvendet e Komunave me kohë.
