Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi i lartë i Bashkimit Evropian, Josep Borell ka paralajmëruar se së shpejti me dialogun në Bruksel do të merren njerëz tjerë, të cilët do t’i vëzhgojnë me kujdes Kurtin dhe Vuçiqin. “Kur reflektoj mbi takimet e Dialogut Beograd-Prishtinë gjatë mandatit tim, fillimisht do të mendoja për shumë sfida me të cilat u përballëm: mungesa e angazhimit; mungesa e përparimit; mungesa e zbatimit; mungesa e gatishmërisë për të arritur konsensus. Megjithatë, pavarësisht këtyre sfidave të shumta, ka pasur edhe disa hapa të rëndësishëm përpara. Ndërsa progresi ka qenë i ngadalshëm, disa hapa përpara janë bërë në normalizimin e marrëdhënieve ndërmjet Kosovës dhe Serbisë. Bashkimi Evropian mbetet e përkushtuar për të ndihmuar, por në fund, ajo ka nevojë për guximin, vizionin dhe vullnetin politik të liderëve të të dyja palëve” ka shkruar mes tjerash, përfaqësuesi i lartë i Bashkimit Evropian, Josep Borell.
