Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Anglisë, Boris Johnson gjatë një fjalimi në Parlament ka thënë se nëse Rusia nuk bindet, atëherë shumë bijë të nënave ruse nuk do të kthehen në shtëpi. “Nëse Rusia pushton Ukrainën, ne do të përpiqemi të kontribuojmë në çdo vendosje të trupave ushtarake të NATO-s për të mbrojtur aleatët tanë në Evropë. Dhe nëse Rusia e njekë këtë pjesë, atëherë shumë bijë të nënave ruse nuk do të kthehen në shtëpi”, është shprehur Johnson. Ai përmendi se si Mbretëria e Bashkuar po udhëheq trupat e NATO-s në Estoni dhe javën e kaluar ka furnizuar me raketa anti-tankë një ekip stërvitor të trupave britanike në Ukrainë. Po ashtu, disa vende perëndimore, përfshirë Shtetet e Bashkuara dhe Kanadanë, janë duke furnizuar Ukrainën me armë mbrojtëse. Johnson ka shtuar së është duke punuar me SHBA-në dhe aleatët evropianë për të shmangur luftën, duke përdorur dialogun dhe sanksionet e ndryshme. Rusia, tash e sa javë, ka vendosur pranë kufijve me Ukrainën mbi 120 mijë trupa ushtarake, bashkë me armatim të rëndë. Trupat ndodhen në distancë sulmi.
