Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhur me spekulimet se banka “TEB sh.a”, është blerë nga biznesmenët rusë, ka reaguar Banka Qendrore e Republikës së Kosovës. Banka Qendrore e Republikës së Kosovës, fton të gjithë opinionin që të mos bien pre e informacioneve të publikuara në rrjetet sociale në lidhje me shitblerjen bankës “TEB sh.a”, nga biznesmenët rusë. “Në BQK nuk ka pasur asnjëherë kërkesë për ndërrim të pronësisë së kapitalit aksionar të kësaj banke, e cila që nga fillimi është nën pronësi të “BNP Paribas Fortis Yatırımlar Holding A.Ş” dhe “Çolakoğlu Group Joint Venture”. Banka “TEB”, së bashku me bankat tjera që janë të licencuara, kanë luajtur dhe po luajnë rol shumë të rëndësishëm në krijimin e një sistemi financiar të sigurt dhe të shëndoshë, i cili ka kontribuar në rritjen ekonomike të vendit dhe nxitjen e investimeve të jashtme, veçanërisht në sektorin financiar”, thuhet në apelin e BQK-së.
