Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti amerikan, Janus Bugajski deklaron se Samiti i NATO-s në Londër, i cili do të mbahet më 3 dhe 4 dhjetor, do t’u mundësojë liderëve të Aleancës të rikonfirmojnë rëndësinë e saj pas sulmeve të fundit të presidentit francez Emmanuel Macron. Deklarata e tij se NATO ka pësuar ”vdekje klinike” të kujtonte deklaratën e presidentit Trump se Aleanca ishte e vjetruar. Është e rëndësishme të kihet parasysh se NATO u krijua për të parandaluar që Europa të sundohej nga ndonjë fuqi ekspansioniste, çfarë është edhe guri i themelit të aleancës trans-atlantike. Një Evropë e sigurt është jetike për sigurinë amerikane dhe prania e saj ushtarake i mundëson Amerikës të projektojë kanalizimin e fuqisë për të parandaluar kërcënimet dhe për t’u përgjigjur vendosmërisht nëse interesat e përbashkëta të sigurisë sfidohen. Flatra e gjatë Lindore e NATO-s është gjithnjë e më shumë e ekspozuar ndaj depërtimit dhe përmbytjes nga një Moskë revizioniste. Rusia mund të jetë një fuqi në rënie por ajo paraqet rreziqe të konsiderueshme për fqinjët e saj. Kremlini e konsideron çdo boshllëk në unitetin e NATO-s si një dobësi të shfrytëzueshme dhe bëhet më ambicioz kur kupton se kjo do të thotë ndarje mes aleatëve.
