Ministri i Punëve të Jashtme Bujar Osmani, ka vlerësuar se Fronti Evropian e paraqet vullnetin e shumicës shqiptare dhe jo koalicioni VLEN që ka fituar më pak vota. Ai ka deklaruar se qeveri me shqiptarë jo legjitim dhe qeveri pa shqiptarët është koncept i njëjtë. “Qeveri me shqiptarë jo legjitim dhe qeveri pa shqiptarët është një koncept i njëjtë. Unë ju them Millosheviqi e ka bërë këtë në Kosovë. Rrahman Morinën e vendosi si kryetar të Kosovës, ndërsa shqiptarët thonin: kush është ky?”, ka thënë Osmani. Nënkryetari i BDI-së, ka theksuar se gjatë formimit të qeverisë, nuk mund të funksionojë modeli i “shqiptarëve të preferuar”. “Ne kishim një garë të rëndë me VLEN-in dhe kemi fituar. Pse shumica e shqiptarëve vendosën mes Frontit Evropian dhe VLEN-it, nëse vota e tyre nuk vlen? Ky debat është serioz. Marrëveshja e Ohrit ka sjellë mekanizma për mbrojtje të bashkësive joshumicë. Dhe kjo nuk është e BDI-së. Kjo do t’i hidhërojë të gjithë shqiptarët, për shkak se ata do të vendosin të ndjenjë se vota e tyre është e pavlefshme, dhe do të hap shumë tema dhe tema të tilla nuk janë të nevojshme”, ka thënë Bujar Osmani për “Kanal5”.
![Kandidati për kryetar të Maqedonisë, Bujar Osmani, ka prezantuar platformën prej 10 pikave për zgjedhjet e 24 prillit](https://www.radiokosovaelire.com/wp-content/uploads/bujarosmani-2024-660x330.jpeg)