Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Beogradit, Sinisha Mali, ka thënë se bulevardi i ri në Beograd do të emërtohet “Heronjtë e Koshares”, në nderim të ushtarëve serbë të rënë në Betejën e Koshares duke luftuar kundër forcave të Ushtrisë Çlirimtare të Kosovës dhe forcave të NATO-s. Ky propozim për emërtimin e këtij bulevardi është pëlqyer më së shumti nga qytetarët. “Vet ata kanë votuar për emrin e bulevardit të ri dhe nga 167 emra kanë zgjedhur ‘Heronjtë e Koshares’, me 1305 vota. Qytetarët e Beogradit kanë treguar se nuk i kanë harruar heronjtë e mëdhenj që dhanë jetën për atdheun e tyre, për ta mbajtur Kosovën nën Serbi ka thënë kryebashkiaku beogradas. Gjatë luftimeve të përditshme në Koshare sidomos prej prillit të vitit 1999 ka pasur shumë të rënë e të vrarë nga të dyja palët. Serbët, deri vonë nuk kanë pranuar se kanë pësuar humbje nga forcat e UÇK-së, por të vrarët i kanë paraqitur si viktima të bombardimeve të NATO-s. Gjatë luftimeve në Koshare kanë rënë 128 dëshmorë pothuajse nga të gjitha trevat shqiptare dhe tre luftëtarë të huaj të cilët kanë luftuar në radhët e forcave tona çlirimtare. Serbët asnjëherë deri tani nuk i kanë publikura shifrat meqë, në frontin e Koshares janë vrarë edhe shumë mercenarë rusë e të tjerë.
