Kryetari i Lidhjes Demokratike në Mal të Zi, Nikollë Camaj ka deklaruar se shqiptarët do të jenë pjesë e qeverisë së Malit të Zi, nëse respektohen parimet e marrëveshjes eventuale. Ai ka përkujtuar më tutje se Mali i Zi posa ka dalë nga zgjedhjet e jashtëzakonshme dhe është në fazën e e formimit të qeverisë së re. Kryetari i Lidhjes Demokratike në Mal të Zi, Nikollë Camaj ka thënë për “The Geopost” se presidenti i shtetit , ka mandatuar zotin Spajiq për t’i dhënë mundësinë që të formojnë qeverinë e re. Kjo do të thotë qe z. Spajiq ka 24 deputetë në Parlamentin e Malit të Zi, kurse për të bërë shumicën nevojiten 41. Deri më tani ka pasur bisedime joformale dhe formale me partnerët potencialë, ku natyrisht i llogarit edhe pakicat, përfaqësuesit e pakicave, meqenëse faktori pakicë në këtë moment të rëndësishëm për Malin e Zi kur tenton të rrugëtojë drejt Evropës, ku në piramidën, në majën e piramidës dhe në fokusin e përparësive, gjithnjë është integrimi në Bashkimin Evropian. Pra, pakicat luajnë një rol të rëndësishëm” ka theksuar kryetari i Lidhjes Demokratike në Mal të Zi, Nikollë Camaj.
![Qyteti i Tuzit në Mal të Zi në vitin e ardhshëm merr statusin e komunës](https://www.radiokosovaelire.com/wp-content/uploads/tuzi-mali-zi.jpg)