Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mediumi gjerman “Capital Beat” i ka kushtuar një artikull të gjatë kandidaturës për kryeministër të Lumir Abdixhikut, kryetarit të Lidhjes Demokratike të Kosovës, për zgjedhjet e 9 shkurtit 2025. Artikulli trajton vizionin e Abdixhikut për të ardhmen e Kosovës, sfidat që vendi po përjeton, si dhe ndikimin e tij në diasporën kosovare, veçanërisht në Gjermani. Në një kohë kur Kosova ndodhet në një udhëkryq, një emër po përmendet gjithnjë e më shpesh në bisedat e qytetarëve, politikanëve dhe vëzhguesve ndërkombëtarë: Lumir Abdixhiku. Kryetari i Lidhjes Demokratike të Kosovës, është pozicionuar si kandidati i ndryshimit dhe synon të marrë postin e kryeministrit të Kosovës më 9 shkurt 2025. Mediumi e paraqet Abdixhiku si një figurë të re dhe dinamike, që premton stabilitet dhe një qasje të matur ndaj reformave.
Artikulli thekson gjithashtu entuziazmin që fushata e tij “Turneu i Ndryshimit” ka gjeneruar mes qytetarëve, si dhe mes komunitetit kosovar në Nordrhein-Westfalen, ku jetojnë qindra mijëra kosovarë të integruar në shoqërinë gjermane. Sipas këtij mediumi Lumir Abdixhiku po pozicionohet si kandidati i stabilitetit dhe ndryshimit në një kohë kur Kosova po përballet me sfida të shumta politike dhe ekonomike.
