Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i Katalunjës, Karl Puigdemont, (i njohur për shpalljen zyrtare të Shtetit të Katalunjës, që u refuzua dhunshëm nga Madridi zyrtar) duke folur mbi vendimin e Spanjës për të njohur Palestinën, theksoi se Spanja po përdor standarde të dyfishta në politikën e saj të jashtme. Ndërsa Spanja shprehet mbështetëse e të drejtës për vetëvendosje për popullin palestinez, ajo vazhdon ta refuzojë njohjen e Kosovës si një shtet i pavarur, tha Puigdemont. Spanja është një nga pesë vendet e Bashkimit Evropian, që ende nuk e njeh Pavarësinë e Kosovës, pavarësisht marrëdhënieve diplomatike të BE-së me këtë vend. Puigdemont ka reaguar pas njoftimit të kryeministrit spanjoll, Pedro Sançez, për njohjen e Palestinës, një lëvizje që ka ngjallur debat dhe kritika për mos konsekuencën e Spanjës në çështjet e vetëvendosjes dhe njohjes së shteteve të reja.
