Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke komentuar deklaratat për çështjen e demarkacionit me Malin e Zi të kryeministrit, Isa Mustafa dhe ministrit të Punëve të Jashtme, Enver Hoxhaj, nënkryetari i Lëvizjes Vetëvendosje, Driton Çaushi ka theksuar se këta dy po japin deklarate hipokrite. Ai ka përkujtuar se ministri Enver Hoxhaj dhe kryeministri, Isa Mustafa vazhdojnë të bëjnë deklarata shpifëse se nuk ka të dhëna që dëshmojnë se Kosova po humb terren dhe se për këtë duhet besuar ekspertëve por e vërteta është se nuk ka asnjë ekspert që e ka thënë se Kosova nuk po humb terren nga demarkacioni me Malin e Zi. Pas më shumë se 10 muajsh, nuk ka ende as edhe një ekspert të vetëm që pajtohet me marrëveshjen për demarkacion me Malin e Zi. As edhe një dokument valid që e legjitimon atë. Përkundrazi, të gjithë kanë konsensus të plotë që Kosova me këtë marrëveshje humb mbi 8200 hektarë territor!
