Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i Nismës Socialdemokrate, Çerkin Dukolli, ka kujtuar dëshmorët Ibrahim Mazreku, Ejup Kryeziu, Kujtim Krasniqi dhe Milaim Beha në 22-vjetorin e rënies heroike të tyre. Ai përmes një postimi në rrjetin social ka thënë se lufta e UÇK-së dhe dëshmorët e saj janë kuptimi dhe baza e themeleve shtetërore. “22 vite më parë të udhëhequr nga flamuri i UÇK-së në luftime të ashpëra, në betejat e Lladrocit dhe Senikut u përjetësuan në historinë e shqiptarisë katër viganët e UÇK-së: Ibrahimi, Kujtimi, Ejupi e Milaimi, luftëtarë të Brigadës 121 “Kumanova”. Në historinë e vendit dhe kujtesën tonë këta burra, përherë do të jenë si shenjat më të çmuara kombëtare. Lufta e UÇK-së dhe dëshmorët e saj janë kuptimi dhe baza e themeleve shtetërore, janë vet liria e vendit, janë preambula jonë kombëtare. Familja, bashkëluftëtarët dhe kombi, përjetësisht krenar me Ju heronjë lirie. Lavdi e respekt deri në përulësi!”, ka shkruar ai.
