Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vizita e dy senatorëve amerikanë në Prishtinë, Chris Murphy dhe Gary Peters solli paralajmërimin se kryeministri Albin Kurti tani duhet të ndërmarrë hapa të vështirë në dialogun me Serbinë. Ata kanë treguar se u kanë bërë presion krerëve të shtetit të Kosovës që të lëvizin me shpejtësi drejt themelimit të Asociacionit të komunave me shumicë serbe, duke treguar një nivel të ri serioziteti në këtë çështje. Paraprakisht, emisari special i Amerikës për Ballkanin, Gabriel Escobar tha se duan që puna e zbatimit të marrëveshjes së fundit të kryhet deri në fund të verës. Kryetarja Vjosa Osmani ka paralajmëruar rrezik nëse ndërmjetësit do të kërkojnë diçka mes propozimit të Kosovës dhe atij të Serbisë për Asociacionin. Dy senatorë amerikanë, Chris Murphy dhe Gary Peters erdhën të hënën në Prishtinë ku patën takime me Vjosa Osmani, kryeministrin Albin Kurti dhe kryeparlamentarin Glauk Konjufca, pas së cilave u paralajmërua se Kosova dhe Serbia janë para zgjidhjeve të vështira dhe se duhen ndërmarrë hapa seriozë. Serbia nuk duhet ta pengojë Kosovën në anëtarësimin në organizata ndërkombëtare, dhe mendoj se është e kuptueshme që komunat me shumicë serbe të kenë njëfarë mundësie për të bashkërenditur shërbimet që i ofrojnë tha senatori Murphy në një konferencë të përbashkët për media me kryeministrin Albin Kurti, duke iu referuar themelimit të Asociacionit të komunave me shumicë serbe.
