Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi i Lartë për Zbatimin e Marrëveshjes së Paqes për Bosnje-Hercegovinën, Christian Schmidt, paralajmëroi një kërcënim serioz për paqen në vend, në raportin e tij të 60-të, që iu paraqit Sekretarit të Përgjithshëm të OKB-së, Guterres. Megjithatë, raporti për Bosnje dhe Hercegovinën u shty për ditën e sotme, ndërsa agjencia gjermane e lajmeve DPA thekson se Rusia ka kërcënuar, si anëtare e Këshillit të Sigurimit të OKB-së, të vendos veton ndaj rinovimit të mandatit të misionit paqeruajtës EUFOR në Bosnje e Hercegovinë. Kjo veto e Rusisë, bëhet sepse Kremlini zyrtar nuk e njeh Christian Schmidtin në postin e përfaqësuesit të Lartë për vendosjen e Paqes në Bosnje e Hercegovinë. Sipas raportit, Bosnja dhe Hercegovina përballet me kërcënimin më të madh ekzistencial në periudhën e pasluftës. Sfida të vazhdueshme, serioze sipas Marrëveshjes Kornizë të Përgjithshme për Paqe, po vijnë nga autoritetet e entitetit të Republikës serbe, e udhëhequr nga partia më e madhe, Aleanca e Social Demokratëve të Pavarur, në krye të së cilës është anëtari i Presidencës, Milorad Dodik. Këta kërcënojnë jo vetëm paqen dhe stabilitetin e vendit dhe të rajonit, në përgjithësi. Nëse komuniteti ndërkombëtar nuk përgjigjet ndaj tyre, kjo mund të çojë në anulimin e vetë Marrëveshjes së paqes, thuhet në raport. (Al-Xhazira-RKL)
