Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Cilësia e lart e prodhimeve bujqësore “Made in Albania” po bënë që këto produkte të mirëpriten në tregjet ndërkombëtare. Autoritetet përkatëse kanë thënë se cilësia e lart e këtyre prodhimeve ka bërë që eksportet bujqësore të arrijnë rritje prej 18 për qind në muajin shkurt krahasuar me periudhën e njëjtë të viteve paraprake. Ministrja e Bujqësisë dhe Zhvillimit Rural të Shqipërisë, Anila Denaj ka deklaruar se performanca pozitive e sektorit bujqësor tregon punën e palodhur të fermerëve për produkte cilësore “Made in Albania”, konkurruese në tregjet ndërkombëtare. Ajo ka saktësuar më tutje se të dhënat tregojnë se gjatë muajit shkurt të këtij viti eksportet bujqësore u rritën me 18 për qind në sasi dhe 15 për qind në vlerë. “Do vijohet me politikat mbështetëse për të gjithë njerëzit e punës, drejt objektivit të qeverisë 1 miliard dollarë eksporte deri në vitin 2030” ka theksuar ministrja e Bujqësisë dhe Zhvillimit Rural të Shqipërisë, Anila Denaj.
