Çmimi “Tafil Kelmendi” këtë vit ju nda prof. dr. Zymer Nezirit

04/12/2016 Institucionet

Me rastin e 68-vjetorit të lindjes së Prof.dr. Tafil Kelmendit, organizuar nga Shoqata për Kulturë, Rini dhe Sport, mbështetur nga Drejtoria për Kulturë, Rini dhe Sport dhe Drejtoria për Arsim dhe Edukim, është organizuar ceremonia e ndarjes së Çmimit Dr. Tafil Kelmendi.

Në ceremoninë e ndarjes së çmimit mori pjesë edhe kryetari i komunës së Malishevës, z. Ragip Begaj, i cili e vlerësoi lartë kontributin e prof.dr. Zymer Nezirit. Kryetari Begaj vlerësoi lartë edhe punën e pavdekshme të prof.dr. Tafil Kelmendi.

Çmimi  prof.dr. Zymer Ujkan Nezirit, ia nda me motivacionin: Për kontributin e dhënë në fushën e kulturës, veçmas në mbledhjen e Eposit të Kreshnikëve në krahinën etnogjeografike të Llapushës dhe më gjerë, për përkushtimin e tij ndaj aktiviteteve kulturore në komunën e Malishevës. Këtë çmim, prof.dr. Zymer Nezirit, ia dorëzoi kryetari i komunës së Malishevës, z. Ragip Begaj.

Prof.dr. Zymer Neziri, e falënderoi Shoqatën për Kulturë dhe Letërsi “ Tafil Kelmendi “ dhe Komunën e Malishevës për vlerësimin e bërë, duke shtuar se ndjehet i lumtur që iu nda ky çmim i rëndësishëm.

Në kuadër të këtij shënimi, u ndanë mirënjohje për krijuesit letrarë që kanë dhuruar libra për bibliotekat e shkollave “ Ramadan Morina” në Damanek dhe “ Ruzhdi Xhyliqi “ në Marali. Këto dy shkolla i kanë pranuar zyrtarisht nga 1000 ekzemplarë librash, ndërsa biblioteka tjetër do të pajiset në javët në vazhdim.

Në shenjë falënderimi për dhuruesit e librave, drejtori i DKAE-së, z. Avdi Morina dhe drejtoresha e DKRS-së, znj. Blerta Krasniqi, ndanë mirënjohje. Drejtori i DKAE-së, ia dorëzoi mirënjohjen Institutit Albanologjik të Prishtinë, të cilën e pranoi  Kosovare Krasniqit, ndërsa drejtoresha e DKRS-së i dorëzoi mirënjohjen Shtëpisë Botuese “Rozafa”, të cilën e pranoi shkrimtari i shquar Ramadan Mehmeti.

Kryetari i SHKL “ Tafil Kelmendi “, z. Izet Shala, i ndau mirënjohje shkrimtarit të shquar z. Nezir Prokshit.  Mirënjohje u ndanë për të gjithë dhuruesit e librave.

Në kuadër të këtij shënimi u mbajt dhe një orë letrare, në të cilën lexuan poetë nga treva të ndryshme të kombit tonë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara