Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Punëve të Jashtme të Serbisë, Ivica Daçiq ka thënë se nuk do të ketë dialog me Kosovën pa heqjen e masave të reciprocitetit. Ai i ka deklaruar Radio Televizionit të Serbisë se ndalimi i hyrjes së mallrave nga Serbia pa dokumente ku shkruan destinimi “Republika e Kosovës”, është masë më e keqe sesa ishte taksa prej 100 për qind për mallrat serbe. Ministri i Punëve të Jashtme të Serbisë, Ivica Daçiq ka theksuar më tutje se me pranimin e këtyre masave të reciprocitetit, Serbia do ta njihte Kosovën. Qeveritë e Kosovës janë të gjitha njësoj. Ato duan pavarësinë e Kosovës si dhe duan që Serbia ta pranojë atë. Ata nuk i kuptojnë ndryshimet që kanë ndodhur, ata presin që komuniteti ndërkombëtar t’u sjellë atyre gjithçka që presin. Sot nuk është më ashtu, dhe kjo varet nga ajo se sa e fortë, e qëndrueshme dhe e bashkuar do të jetë Serbia. Dhe pozicioni ynë është jashtëzakonisht i fortë, ka theksuar ministri i Punëve të Jashtme të Serbisë, Ivica Daçiq.
