Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i jashtëm i Serbisë, Ivica Daçiq ka thënë për mediet në Beograd se sikur të bisedohej vetëm me krerët e Kosovës pa mentorët e saj, Prishtina zyrtare ta pranonte propozimin e ndërrimit të territoreve. Ai ka thënë se fuqitë e mëdha, kur të përmendet demarkacioni dhe ndarja llogarisin se do të vinte deri te zhvendosja masive e popullsisë, sepse siç thotë ai, nuk e marrin parasysh se situata etnike në terren është në përputhje me propozimin për ndarje. I pyetur nëse janë të vërteta pretendimet e kryetarit të Partisë Popullore, Vuk Jeremiq, se Aleksandar Vuçiq e ka ofruara jugun e Serbisë, në këmbim për veriun e Kosovës, Daçiq ka thënë se “nuk ka pasur asnjë bisedë në përpjekje për zgjidhje të qëndrueshme të çështjes së Kosovës”. Duke folur për aktivitetet që priten lidhur me çështjen e Kosovës, ka thënë Daçiq se javën e ardhshme në Beograd arrijnë ministrat e jashtëm të Greqisë dhe Francës dhe se pret biseda të rëndësishme.
