Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti dhe profesori i mirënjohur amerikan, Daniel Serwer, tha se marrëveshja e Ohrit e arritur ndërmjet kryeministrit të Kosovës, Albin Kurti dhe kryetarit serb Vuçiq nuk ka substancë përveç idesë së vetëmenaxhimit të komunitetit serb në Kosovë. Në një intervistë me RTV21, Serwer tha se kryeministri Kurti ishte në një presion të madh por ai u pajtua me një marrëveshje që është në disavantazh për Kosovën. Profesori amerikan tha se vendosja e reciprocitetit në raport me të drejtat e serbëve në Kosovë dhe shqiptarëve në tri komunat nën Serbi është çështje thelbësore. unë nuk prisja asgjë më mirë se sa kanë bërë. Por unë besoja se është e domosdoshme që të ketë përgjigje për çështjet e vështira dhe të arrijmë tek çështjet që serbët bënë fushatë kundër serbëve të Kosovës që t’i bashkohen Forcës së Sigurisë së Kosovës, për shembull. Kjo është një çështje substanciale nga pikëpamja ime. E dyta, është reciprociteti për shqiptarët që jetojnë në Serbinë jugore, kjo është një çështje substanciale. Më shumë çështje të kësaj natyre. Njohja nga 5 vendet mos njohëse të BE-së do të shënonte një përparim të madh. Nuk është se unë prisja ndonjë nga këto gjëra, por unë po them se këto janë çështje kyçe me të cilat duhet të merremi.
