Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati i Hashim Thaçit, Dastid Pallaska, ka thënë se është e pabesueshme se edhe pas një viti ende Gjykata Speciale vazhdon hetimet, ndaj ish-krerëve të UÇK-së. Ai ka akuzuar Gjykatën Speciale për jo profesionalizëm. “Është e pabesueshme që është bërë 1 vit dhe ende jemi në pikën fillestare, e cila u shoqërua me parregullsi të pashembullta do të thosha edhe për standardet e Kosovës e aq më pak për standardet ndërkombëtare dhe ende nuk e kemi të qartë tërësisht aktakuzën me të cilën ballafaqohet z. Thaçi dhe të tjerët. Po ashtu me një prokurori e cila ende vazhdon hetimet që do të thotë se ende nuk është e bindur as vet. Arrestimi ka qenë i parakohshëm, ashtu siç ka qenë edhe publikimi i aktakuzës, pasi nuk kishte përfunduar hetimi. Si ka kuptim që edhe pas 1 viti të vazhdojnë hetimet. Të gjithë e din se aktakuza vjen si rezultat i hetimeve, ndërsa gjatë procesit të gjykimit e mbron atë aktakuzë”, ka saktësuar, avokati, Dastid Pallaska.
