Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Veterani i Ushtrisë Çlirimtare të Kosovës, Daut Haradinaj, ka shprehur mbështetjen dhe respektin e tij për ish-presidentin Hashim Thaçi dhe krerët e tjerë të UÇK-së që po përballen me procesin gjyqësor në Hagë. Reagimi i Haradinajt erdhi pas vizitës së mbikëqyrur të Thaçit në Qendrën Klinike Universitare të Kosovës, ku ai qëndroi pranë babait të tij të sëmurë. Përmes një mesazhi në rrjetet sociale, Haradinaj uroi që Thaçi dhe bashkëluftëtarët e tij të kthehen të lirë në Kosovë, duke shprehur shpresën për një përfundim të drejtë të procesit në gjykatën e Hagës. “Herën tjetër, ardhsh për të qëndruar! Bashkë me të tjerët. Qëndroni krenarë dhe të fortë!” – ka shkruar Haradinaj, duke shprehur besimin e tij në pafajësinë e krerëve të UÇK-së dhe duke i inkurajuar ata të mbeten të qëndrueshëm përballë sfidave. Haradinaj, i njohur për rolin e tij aktiv gjatë luftës dhe për angazhimin e tij politik pas saj, ka qenë një mbështetës i zëshëm i figurave kryesore të UÇK-së dhe ka kërkuar vazhdimisht një proces të drejtë dhe transparent për të gjithë të akuzuarit.
