Debat i kryetarit Asllanaj me qytetarë të Mushtishtit

07/06/2016 Institucionet

Organizuar nga Lëvizja Fol, në ambientet e ShFMU “Edit Durham” në Mushtisht, kryetari i Komunës së Suharekës z.Sali  Asllanaj, ka debatuar  me  banorët  e fshatit  Mushtishtit. Ai në ciklin e debateve që tashmë po organizohen anekënd vendit FOL HAPUR, është përgjigjur në të gjitha pyetjet dhe kërkesat e të pranishmëve, që kryesisht kishin të bënin me investimet në Mushtisht. Fillimisht kryetari Asllanaj është përgjigjur në pyetjet e drejtuesit të debatit z. Petrit Zogaj rreth kërkesave të qytetarëve që i kishin arritur atij, siç ishin: Hapja e rrugës Mushtisht – Shtërpcë, përfundimi  i  kanalizimit të fshatit ku edhe 10% e banorëve kanë mbetur pa u kyçur në rrjet, rregullimi i shtratit të lumit, ndërtimi  i disa rrugëve lokale  në fshat etj. Pyetje të ngjashme kryetarit Asllanaj iu bënë edhe nga pjesëmarrësit në debat, për të cilat kryetari është përgjigjur dhe ka dhënë arsyetime, sqarime dhe premtime se do të kryhen të gjitha sipas planit që ka qeverisja lokale në Suharekë. Petrit Zogaj, në fund të debatit ka thënë se ky është debati i shtatë i këtij lloji dhe është njëri ndër debatet që më së paku ka pas ankesa dhe polemika në mes të banorëve dhe kryetarit të komunës. Sipas këtij vlerësimi, Komuna e Suharekës, del se banorët e fshatit janë të kënaqur me qeverisjen lokale në këtë fshat.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara