leoni

Debatohet draft-statuti i Muzeut të Kujtesës në Ferizaj

16/04/2019 Institucionet

Është debatuar draft -statuti i Muzeut të Kujtesës në komunën e Ferizajt, një dokument me rëndësi që fletë për themelimin e një institucioni që në thelb ka për qëllim ruajtjen e një pjesë të trashëgimisë historike e që lidhet me luftën e fundit të UÇK-së. Me këtë rast drejtues të institucioneve kanë thënë se propozimi për themelimin e Muzeut të Kujtesës ka ardhur nga kreu komunal i Ferizajt Agim Aliu dhe se lidhet me ruajtjen e vlerave të luftës së UÇK-së dhe se personifikon krejt atë sakrificë për të cilën ka të drejtë të dinë breza të tërë. Madje Kryesuesja e Kuvendit Kristina Gashi-Bytyçi, drejtoresha e kulturës Xhemile Murati-Shabani dhe këshilltari i kryetarit për komunikim dhe marrëdhënie me publikun Albion Sherifi, kanë vënë theksin në rëndësinë e plotësimit të këtij dokumenti me propozime që mund të vijnë nga shoqatat e luftës dhe qytetarët e komunës. Në anën tjetër pjesëmarrësit kanë adresuar propozimet e tyre e që në thelb përveç aspekteve që lidhen me organizimin e këtij institucioni, kishin të bënin edhe me përgjegjësitë dhe funksionimin e tij. Ndërkaq Luan Jahiri nga Organizata e Veteraneve të Luftës së Ushtrisë Çlirimtare të Kosovës, ka thënë se këto vërejtje do të merren për bazë gjatë hartimit të draftit final, por që edhe rregullorja që do të sillet më pastaj do të miratohet me statutin që pritet të kaloi në seancën e radhës. Ky dokument me rëndësi për 15 ditë do të jetë i hapur për vërejtjet e qytetarëve, ndërsa u tha se deri më tani ende nuk ka lëvizje drejt ndonjë projekti eventual. Muzeu nga ajo që dihet do të jetë i vendosur në objektin e ish -Gjykatës për Kundërvajtje në Ferizaj.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara