Deçani nuk është i prekur nga asnjë formë ekstremizmi

25/10/2018 Institucionet

Qendra Kosovare për Studime të Sigurisë  (QKSS) në bashkëpunim më komunën e Deçanit kanë mbajtur një tryezë me temën  ’’Cenushmëria dhe Qëndrueshmëria ndaj Ekstremizmit të Dhunshëm në Kosovë ’’. Në këtë tryezë i pranishëm ishte i pari i komunës së Deçanit Bashkim Ramosaj, përfaqësues të  KCSS, përfaqësues nga policia e Kosovës, drejtor shkollash, përfaqësues të komuniteteve etj. Kryetari i komunës së Deçanit Bashkim Ramosaj, në këtë takim bëri një rezyme të shkurtër lidhur më komunën e Deçanit, zhvillimet në komunë, raportet e ndërtuara mes institucioneve fetare dhe komunës së Deçanit, funksionimin e komiteteve të cilat mbajnë takime të rregullta në komunë, përkrahjen e rinisë dhe OJQ-ve në kërkesat e tyre për ngjarje dhe aktivitete të ndryshëm, po ashtu vlenë të theksohet se në komunën e Deçanit për dallim nga komunat tjera nuk ka asnjë lloj ekstremizmi dhe nuk kanë ekzistuar as një herë, e kjo na bënë që ne të jemi sa më afër njëri tjetrit njëkohësisht na krijon edhe një klimë të ngrohtë dhe siguri të plotë për qytetarët tha Ramosaj në këtë tryezë. Në këtë tryezë është prezantuar edhe një raport nga KCSS  projekt i financuar nga Berghof Foundation më përkrahjen te Ministrisë së Punëve të jashtme të Gjermanisë i përpiluar nga Rudin Jakupi dhe  Garantina Kraja, ku nxjerrë si rezultat komunën e Deçanit si ndër komunat më të pastërta në nivel vendi sa i përket ekstremizmit fetarë. Raporti i prezantuar analizon konceptet e qëndrueshmërisë dhe cenushmërisë të komuniteteve të ndryshme në përballje me problemin e ekstremizmit të dhunshëm. Ky raport i prezantuar ka synim kryesor të kuptoj se si komunitetet janë përpjekur ta parandalojnë këtë fenomen, cilët janë faktorët që kanë kontribuar në qëndrueshmërinë apo cënushmërinë e tyre dhe cilët janë akterët kryesorë në këtë drejtim.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara