Saturday , November 23 2024

Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.

Deçani ofron shërbime shtesë për bashkatdhetarët

27/07/2021 Institucionet

Tema të tjera...

Kryetari i komunës së Deçanit Bashkim Ramosaj përmes një postimi të tij në facebook ju ka drejtuar bashkatdhetarëve duke i informuar ata lidhur me disa vendime që ka ndërmarrë për kohën sa ata qëndrojnë në vendlindje. Ai ndër të tjera ka thënë:

Të dashur bashkatdhetarë!

Fillimisht ju dëshirojmë pushime të mira në vendlindje me më të dashurit tuaj!

Kam kënaqësinë e veç̧antë se si kryetar komune të jem me ju dhe në dispozicionin tuaj gjatë gjithë kësaj periudhe!

Andaj ju njoftoj se çdo ditë pune nga ora 8:00 deri ne ora 10:00 e mëngjesit kam nderin të ju pres në zyrën time, për kafen e mëngjesit, të takohemi e bashkëbisedojmë për gjitha temat që ju preokupojnë, për idetë tuaja, për zhvillimin e Deçanit apo për tema të lira të cilësdo natyrë qoftë!

Gjithashtu ju njoftoj se parkingu të cilin e ka në dispozicion komuna e Deçanit, do të jet në dispozicionin tuaj gjatë gjithë qëndrimit tuaj në vendlindje!

Po ashtu ju njoftoj që kemi rritur gatishmërinë e administratës komunale, që të jenë në funksionin dhe shërbimin tuaj, për të gjitha dokumentet apo procedurat administrative që keni nevojë!

Gjithashtu ju njoftoj se gjatë gjithë këtyre ditëve, nga komuna e Deçanit janë organizuar dhe do të ketë organizime në vazhdimësi të aktiviteteve të ndryshme për nderë dhe respekt ndaj jush, si panairi “Ditët e Kulturës dhe Turizmit” në Deçan, koncerti me yjet e estradës kosovare, me datën 1 gusht, duke filluar nga ora 20:00 me këngëtarët Arif Vladi, Kastriot Tusha, Ansambli i Valleve, si dhë këngëtarë tjerë të mirënjohur, po ashtu festivali “ESHKË E NDEZUR MBI SHKËLZEN” duke filluar nga data 6, 7 dhe 8 gusht duke filluar nga ora 19:00 do të prezantojnë gjithë këngëtarët dhe shoqërit artistike nga të gjitha trojet shqiptare.

Si dhe do të kemi pritje zyrtare për bashkëatdhetarët bashkë me ish-Kryeministrin Liderin e AAK-së z.Ramush Haradinaj me datën 5 gusht, duke filluar nga ora 19:00 në Kompleksin Historik në Gllogjan, dhe shumë e shumë aktivitete tjera të cilat do të mbahen në vazhdimësi!

Duke qenë se ju jeni zemra e Kombit, unë ndihem i lumtur, që përgjatë këtyre 4 viteve të qeverisjes sime si kryetar komune, kam pasur kënaqësinë që të bëj maksimumin tim, që Deçanit ti japim një pamje të bukur, imazh të ri, perspektivë zhvillimore, duke realizuar shumë projekte madhështore gjithandej komunës së Deçanit.

Këto ndryshime dhe zhvillime më së miri i shikoni, i përjetoni dhe i vlerësoni ju gjatë qëndrimit në vendin tuaj!

Ju premtoj që nuk do të ndalem së punuari që Deçanin ta bëjmë kryeqytet të turizmit në Kosovë, duke realizuar ëndrren tonë, për qytetin që duam.

Në kuadër të programit qeverisës për katër vitet e ardhshme, kam planifikuar dhe nga viti tjetër, muajt korrik dhe gusht do të shpallen muajt e diasporës sonë, ku i gjithë angazhimi do të jet në mikpritjen ndaj jush, dhe në shërbimin tuaj!

Në fund dua të ritheksoj ftesën time, të ju pres për kafen e mëngjesit, çdo ditë nga ora 8:00 deri në ora 10:00 por edhe pas kësaj kohe me kënaqësi kudo që jeni!

Sinqerisht e me respekt

I juaji,

Bashkim Ramosaj!

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM

Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara