Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Demokratike e Kosovës, dega në Dragash ka reaguar ashpër pas skandalit që u shfaq sot në Qendrën e Numërimit dhe Rezultateve ku u panë qindra zarfa të ardhura me postë e ku shihej qartë se ishin të plotësuar nga një dorë e njëjtë. PDK e Dragashit ka ftuar Prokurorinë që të hetoj këtë rast dhe të parandaloj deformimin e vullnetit të mijëra qytetarëve të Dragashit. Nga ajo që sot pamë në QNR nga vëzhguesit tanë, shumica e votave me postë që kanë ardhur për Komunën e Dragashit, janë vota të manipuluara, të mbushura nga një dorë e vetme. Po ashtu, shihet qartë që zarfet janë të shënuara nga e njëjta dorë. Nga ajo që u pa nga vëzhguesit por edhe nga mediat, u vërtetua informacioni që ka qarkulluar tash e disa ditë në Dragash, që pronarët e një agjencie turistike kanë mbushur zarfet dhe i kanë shpërndarë ato në 4 posta të ndryshme në Austri e Gjermani. Ne i bëjmë thirrje Prokurorisë që të filloj hetimet sa më parë dhe ti jepet fund keqpërdorimeve me votat me postë. Jemi të gatshëm ti ofrojmë Prokurorisë gjithë informatat që i posedojmë për këtë krim ndaj demokracisë. Askush nuk mund ta deformoj vullnetin e mijëra votuesve të Dragashit.
