Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deklarata e kryeministrit, Edi Rama, se Shqipëria do të bashkohet me Kosovën në qoftë se perspektiva e vendeve të rajonit për të hyrë në Bashkim Evropian vazhdon të zbehet, i ka tronditur udhëheqësit politikë në Serbi. Së pari ndaj kësaj deklarate ka reaguar ministri, Vulin, i cili ka theksuar se “kryeministri Rama me deklaratat e tij po i bën shantazh BE-së dhe po provokon një luftë në Ballkan”. Pas Vulinit, ka reaguar edhe serbi Marko Gjuriqi, i cili ka thënë se “askush nuk duhet të luajë duke u përpjekur ta ngjallë idenë fashiste për një Shqipëri të Madhe”. Ministri i Brendshëm serb, Nebojsha Stefanoviq, ka thënë se deklarata e kryeministrit të Shqipërisë, Edi Rama, për bashkimin e Shqipërisë dhe Kosovës është e rrezikshme dhe nuk kontribuon asgjë në të mirë të rajonit dhe marrëdhënieve të mira fqinjësore. Krejt në fund ka reaguar ministri i Jashtëm i Serbisë, Ivica Daçiqi, duke ka thënë se shqiptarët e konfirmuan edhe njëherë platformën e përbashkët për krijimin e Shqipërisë së Madhe.
