Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në përpjekje për të zhbllokuar dialogun Kosovë – Serbi, Gjermania ka ndërmjetësuar një takim në Berlin ndërmjet palës kosovare dhe serbe ku kanë marrë pjesë zyrtarë nga Qeveria e Kosovës dhe ajo e Serbisë. Delegacioni i Kosovës është kryesuar nga Selim Selimi, shef i stafit të kryeministrit Ramush Haradinaj ndërsa nga pala serbe delegacionin e ka kryesuar Marko Gjuriq, drejtor i Zyrës për Kosovë në Qeverinë e Serbisë, e ku takimet në kryeqytetin gjerman janë mbajtur dje. Gjithçka ka pasur të bëjë me vazhdimin e bisedimeve të nivelit teknik, ndërkohë që delegacioni i Kosovës ka bërë me dije se nuk ka pasur autorizime të flas rreth çështjes së taksës sikurse edhe për çështjet e nxehta politike siç është Asoaciacioni dhe temat tjera. Udhëtimin në Gjermani dhe takimin me Gjuriq e ka konfirmuar ish – shefi i delegacionit të Kosovës në bisedimet teknike me Serbinë Avni Arifi i cili aktualisht është ambasador i Kosovës në Emiratet e Bashkuara Arabe. Sipas Arifit, në Berlin pala kosovare ka kërkuar nga pala serbe dhe ndërmjetësve gjermanë që të mos ketë kushtëzime të dialogut dhe që bisedimet të vazhdojnë në Samitin e Parisit.
