MI LOGO

Ministria e Infrastrukturës demanton shkrimet se Departamenti i Prokurimit udhëhiqet nga dy drejtues

19/12/2018 Institucionet

Duke iu referuar lajmit të publikuar nga “Koha Ditore” më datë 16.12.2018 dhe më pas transmetimit të të njëjtit nga televizioni nacional “KOHAVIZION”, edicioni qendror i lajmeve të datës 16.12.2018, se Departamenti i Prokurimit Publik në Ministrinë e Infrastrukturës (MI), udhëhiqet nga dy zyrtarë në të njëjtën kohe, Ministria e Infrastrukturës dhe Ushtruesi i detyrës së Sekretarit të Përgjithshëm të kësaj ministrie lëshon këtë:

DEMANT

Njoftojmë mediat dhe publikun e gjerë se Departamenti i Prokurimit Publik në Ministrinë e Infrastrukturës , udhëhiqet nga vetëm një zyrtar ashtu siç parashihet edhe me Ligjin për Shërbyesit Civil të Kosovës dhe organogramin e institucionit. Udhëheqëse e Divizionit të Prokurimit Publik në MI është  Valmira Bllaca që nga momenti i shkarkimit të Nexhat Krasniqit dhe ajo po i kryen detyrat e veta në zyrën e saj, e jo nga zyra e sekretarit ashtu siç thuhet në artikull dhe në kronikë. Është e vërtetë se Krasniqi ka paraqitur ankesë në Këshillin e Pavarur Mbikëqyrës për Shërbim Civil të Kosovës, por që e njëjta është hedhur poshtë si e pa lejuar nga ky institucion me anë të vendimit me A. Nr.745/2018 të datës 10.12.2018. Z. Krasniqi nuk është në detyrë që nga dita kur Ushtruesi i Detyrës së Sekretarit të Përgjithshëm, e ka pushuar atë nga vendi i punës dhe pozita e tij si Udhëheqës i Divizionit të Prokurimit Publik, për të cilin jeni informuar gjatë konferencës së mbajtur për këtë rast më datë 20.11.2018.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara