leoni

Dëme të mëdha nga vërshimet dhe përmbytjet në Rahovec, kërkohet përkrahje urgjente të Qeverisë

11/01/2021 Institucionet

Kryetari i komunës së Rahovecit Smajl Latifi, bashkë me nënkryetarin Fatmir Iska dhe drejtorë komunal, pas një nate të vështirë për bashkëqytetarët, sot kanë vizituar zonat e prekura, posaçërisht përmbytjet e mëdha që ndodhën mbrëmë gjatë gjithë natës në komunën e Rahovecit. Kryetari Latifi ka thënë: Përmbytjet nga ujërat dhe pasojat që kemi në shtëpi banimi, ekonomi familjare, biznese, hapësira dhe objekte publike i shohim në: Fortesë, Sapniq, Pataqan i Ulët, Ratkoc, Malësi eVogël, Gexhë, Celinë, Xërxë, Retijë, Dejn, Krushë e Madhe, Çifllak, Hoçë e Vogël, Dobidol, Pastasel, Polluzhë, Kramavik etj. Pra, në qytet dhe në shumicën e fshatrave, si pasojë e reshjeve të mbrëmshme dhe erërave të forta kemi: shembje të mureve dhe të dheut në qytetin e Rahovecit, si në: rr.” Milaim n Morina dhe rr. “Mexhit Mustafa” si dhe shembje të murit në rr. “Vëllezërit Frashëri” dhe në disa fshatra. E, drejtoria e emergjencave në komunën e Rahovecit bashkë me zjarrfikësit, drejtorinë e shërbimeve publike, drejtorinë e bujqësisë dhe kompanitë e kontraktuara, por edhe vullnetarë ashtu sikurse mbrëmë, vazhdojnë t’ju dalin në ndihmë familjeve të prekura. Me vendimin e kryetarit Latifi janë formuar komisione të veçanta të vlerësimit, të cilat po regjistrojnë dëmet e mëdha janë amvisëri, ekonomi të shumta familjare, bujqësi dhe infrastrukturë publike. Po bëhet krejt çka është e mundshme si komunë, e pas hartimit të raporteve të vlerësimit, do të kërkojmë nga institucionet qendrore në Prishtinë përkrahje direkte për mbulimin e dëmeve. Qytetarët që kanë nevojë për përkrahje emergjente të lajmërohen te drejtoria e emergjencave në numrin: 029-277-555. Njëkohësisht, ju bëhet thirrje qytetarëve të rrisin kujdesin dhe të  mos lëvizin në pikat ku ende ka pasiguri dhe rrezik.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara