Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetë të partive opozitare kanë kërkuar që të mos prishen por të ruhen raportet e mira me Shtetet e Bashkuara të Amerikës. Deputeti i Partisë Demokratike e Kosovës, Ferat Shala ka thënë për Ekonomia Online se situata në Kosova është shqetësuese, kur kihet parasysh gjendja në veri. Ai ka thënë se janë shqetësuese deklarimet e shumta që drejtojnë kritika në adresë të Kosovës. “Është shqetësuese situata kur i sheh kaq shumë prononcime kundër si asnjëherë më parë në 20 vjet e fundit, dhe e them se vërtetë duhet të jetë shqetësuese për gjithë nivelet politike e ekonomike dhe intelektuale të vendit: ka thënë mes tjerash, deputeti, Ferat Shala. Edhe deputetja e Lidhjes Demokratike të Kosovës, Rrezarta Krasniqi ka thënë për të njëjtin medium se Kosova ka shënuar regres në politikën e jashtme për këto dy vite. Kemi parë një dialog që aspak nuk ka pasur transparencë, një kryeministër i cili ka marrë një pushtet 51 për qind me parimin tjera dhe kur ka ardh në pushtet të gjitha ato i ka shkel, ndërsa asnjëherë nuk është dakorduar me Shtetet e Bashkuara të Amerikës dhe Bashkimin Evropian”, ka thënë deputetja, Rrezarta Krasniqi.
