Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe pse ishte shtyrë në mungesë të kuorumit, më në fund ka përfunduar e sotme seanca plenare e Kuvendit të Kosovës, në të cilën deputetët më 90 vota për dhe 1 abstenim, kanë miratuar funksionimin e komisioneve parlamentare. Lëvizja Vetëvendosje do të udhëheq me tri komisione, aq sa do të ketë edhe Lidhja Demokratike e Kosovës dhe Partia Demokratike e Kosovës. Dy komisione do të udhëhiqen nga Aleanca për Ardhmërinë e Kosovës, një nga Nisma Socialdemokrate, një nga Lista Serbe dhe një nga grupi 6+. Theksojmë se në fillim të kësaj seance që nisi në orën 10:00 pati mospajtime nga ana e opozitës për ndarjen e këtyre komisioneve dhe zvogëlimin e tyre nga 16 në 14. Seanca pastaj u ndërpre ku grupet parlamentare së bashku me kryetaren e Kuvendit, Vjosa Osmani mbajtën mbledhje të Kryesisë. Pas mbledhjes në të cilën për herë të parë që nga zgjedhja e Osmanit në krye të Kuvendit, mori pjesë edhe PDK-ja, u tha se janë dakorduar të votohen Komisionet parlamentare.
