Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetii i LDK-së, Avdullah Hoti, ka njoftuar për një rritje të ndjeshme të deficitit tregtar në Kosovë nga viti 2019 deri në vitin 2023. Sipas zotit Hoti, deficiti tregtar ka përjetuar një rritje prej 3.1 miliardë eurosh në vitin 2019, para fillimit të pandemisë së COVID-19, në 5.1 miliardë euro në vitin 2023. Ai gjithashtu ka bërë të ditur se importi ka regjistruar një rritje të konsiderueshme gjatë qeverisjes së kryeministrit Albin Kurti, duke arritur në 5.9 miliardë euro në vitin 2023. Duke përdorur të dhëna zyrtare nga Agjencia e Statistikave të Kosovës, Hoti ka shprehur shqetësimin e tij për këtë rritje të shpejtë të deficitit tregtar dhe ka shprehur dyshime rreth prezantimit të të dhënave për importet dhe eksportet e Kosovës nga kryeministri Kurti. Mbulimi i importeve me eksporte gjatë 10 viteve të fundit ka qëndruar në një nivel relativisht të njëjtë, ndërkohë që ai që krenohet me këto të dhëna, sipas tij, nuk e kupton situatën reale ose tenton të manipulojë opinionin publik.
