Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca për Shqiptarët në Maqedoni ka reaguar pas mbajtjes së seancës në Komisionin për mbrojtje dhe siguri. Deputeti Halil Snopçe, kërkoi që të tërhiqet propozim ligji për ndryshimet në ligjin për shërbim në Armatë, me arsyetimin që në këto ndryshime nuk janë përfshirë në ligj dhe neni 5 thotë se gjuha zyrtare është gjuha maqedonase dhe shkrimi i saj cirilik. Deputeti Snopçe tha se Ministria e mbrojtjes është e obliguar të zbatojë ligjet dhe kushtetutën që garanton përdorimin edhe të gjuhës shqipe, gjuhën që e flasin më shumë se 20% të popullatës dhe që është e ndryshme nga maqedonishtja. Ky propozim i Deputetit Snopçe hasi në veshë të shurdhër nga të gjithë të tjerët. Njëzëri u refuzua propozimi për inkorporimin edhe të gjuhës shqipe në Armatë. Hipokrizia më e madhe është se dy deputetët e BDI-së ne Komisionin për Mbrojtje dhe siguri nuk e përkrahën propozimin e deputetit Snopçe për përdorimin e gjuhës shqipe edhe në Armatën e Maqedonisë ku shqiptarët përbëjnë më shumë se 30 për qind të rekrutëve.
