Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti, Hisen Bersha i ka kërkuar kryetares, Vjosa Osmani që të ofroj dorëheqje sepse kjo është në interes të Kosovës. Ai ka kërkuar nga ajo që të ndërmarrë masa, pasi kryeministri i Kosovës, Albin Kurti tashmë e ka pranuar Asociaicionin që i jep kompetenca ekzekutive këtij mekanizmi, i cili është në kundërshtim me interesat e Kosovës. “Me këtë letër, dua të bëj një propozim të rëndësishëm dhe urgjent që lidhet me situatën aktuale politike dhe veprimet e qeverisë së Albin Kurtit. Siç deklaruat edhe ju, nga procesi i dialogimit, tashme qeveria e kryeministrit Kurti e ka pranuar asociacionin si bashkësi e komunave serbe, me statutin që i jep status autonomie teritoriale dhe politike me kompetenca ekzekutive. Për të mirën e Kosovës dhe për të ruajtur parimet themelore mbi të cilat është ndërtuar shteti ynë, unë propozoj që Ju, Presidente, të ofroni dorëheqjen tuaj. Ky akt do të shërbente si një mesazh i qartë dhe i fuqishëm kundër pranimit të asociacionit dhe do të tregonte se ju nuk jeni pjesë e kësaj politike që rrezikon të ardhmen e vendit tonë. Nëse nuk ndërmerrni këtë hap të guximshëm, do të konsideroheni bashkëfajtore në këtë proces” thuhet në mes tjerash në letrën e deputetit, Hisen Berisha.
