Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Mergim Lushtaku, ka mohuar ekzistencën e një marrëveshjeje për koalicion midis PDK-së dhe Lëvizjes Vetëvendosje. Ai ka deklaruar se PDK-ja ka qenë e interesuar për zgjedhje të parakohshme, por ka fajësuar Vetëvendosjen për tërheqje nga premtimi për votimin e shpërndarjes së Kuvendit. “Nuk ka asnjë koalicion as të heshtur as publik. Sigurisht takimet janë publike sepse ne jemi parti parlamentare dhe si e tillë duhet të dakordohemi për zgjedhjet nacionale. Ne si parti mendojmë që kjo Qeveri, sa më gjatë të qëndrojë, aq më i madh do të jetë dëmi për Kosovën. Gjithsesi, kjo nuk ndodhi, sepse vet partia që ishte pajtuar të votojë shpërndarjen e Kuvendit, u zmbraps,” tha Mërgim Lushtaku.
