Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lidhjes Demokratike të Kosovës, Hikmete Bajrami i ka reaguar ashpër ministrit të Qeverisë Kurti, Hekuran Murati. Ky ka shkruar se 61 mijë familje në Kosovë kanë përfituar nëpërmjet subvencionimit të faturave të energjisë elektrike. Ajo ka shkruar se është Bashkimi Evropian që duhet falënderuar për këtë mbështetje e jo Qeveria Kurti. “61 mijë familje në vendin tonë u subvencionuan për faturat e energjisë elektrike në gjashtë muajt e fundit. Financim ky komplet nga BE për familjet pa të ardhura ose me të ardhura të ulëta. Qeveria Kurti me ministër Muratin duhet të mbahet përgjegjëse që përkundër faktit që erdhën në pushtet duke premtuar lirim të çmimit të energjisë elektrike e rritën atë deri në papërballushmëri për 61 mijë familje në Kosovë. Falë politikave dhe mospunës së kësaj Qeverie, sot 61 mijë familje apo rreth 250 mijë banorë jetojnë në varfëri ekstreme dhe ministri i financave mundohet që këtë ta shes si lavd” ka shkruar mes tjerash, deputetja, Hikmete Bajrami.
