Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lidhjes Demokratike të Kosovës, Hykmete Bajrami, i ka reaguar ministrit të Financave, Hekuran Murati, i cili ka provuar të amortizojë rëndesën e shifrave të papunësisë në vend që doli nga një raport i Bankës Botërore. 440 mijë gra dhe 237 mijë burra janë jashtë tregut të punës, ishte kundërpërgjigja e Bajramit ndaj Muratit, duke cituar shifrat e Agjencionit të Statistikave të Kosovës e cila funksionon brenda Zyrës së Kryeministrit. Ajo thotë se nuk ka asnjë keq interpretim të raportit të Bankës Botërore as nga opozita as nga mediet e afërta me opozitën, është thënë fjalë për fjalë ajo çka thotë raporti i Bankës Botërore: ”vetëm 37% e popullsisë në moshë punë në Kosovë punojnë” dhe sipas këtij indikatori jemi më se keqi në rajon. Ndërsa sipas Agjencisë së Statistikave të Kosovës në fund të vitit 2023 kemi pasë 440 mijë 448 gra dhe 237 mijë e 123 burra jashtë tregut të punës të grup moshës 15 deri 64 vjet. Të vetmit që po keqinterpretoni e po manipuloni me shifra jeni Ju, askush tjetër, se shifrat po ju sfidojnë me shumë se mediet e opozita. Ju jeni peng i mashtrimeve e premtimeve të juaja.
