Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Demokratike e Kosovës ka mbajtur sërish konferencë për media, lidhur me tenderët njëburimor nga Ministria e Infrastrukturës. Sipas deputetes, Eliza Hoxha Ministria që udhëhiqet nga Liburn Aliu, brenda një viti ka lidhur 42 kontrata për punë shtesë, për të cilat s’janë zhvilluar procedura prokurimi. Me 18 prill të këtij viti, përmes një konference të ngjashme për shtyp, ju kemi adresuar mediave dhe qytetarëve, për të ngritur shqetësimet tona të bazuara rreth keqpërdorimit të pushtetit në Ministrinë e Infrastrukturës, duke prezantuar fakte e dëshmi për atë që ne e konsiderojmë si një ndër aferat më të dyshimta korruptive brenda kësaj ministrie. Nga vetëm 22 marsi i vitit 2021, e deri me 7 prill të këtij viti, pra për një vit e dy javë, Ministria e Infrastrukturës kishte lidhur gjithsej rreth 42 kontrata një burimore, duke keqpërdorur hiq më pak se rreth 9 milionë euro para të taksapaguesve, përmes procedurës së shpërblimit e marrëveshjeve nën tavolinë, saktësoi ajo. Pas raportimeve të fundit për një aferë korruptive në këtë Ministri, Eliza Hoxha ka kërkuar dorëheqjen e Ministrit Liburn Aliu.
