Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në rigjykimin e dymbëdhjetë
ish-anëtarëve të Skuadrës 177 të Ndërhyrjes të Ushtrisë Jugosllave që akuzohen
për krime lufte, dëshmitari kryesor, Zoran Rashkoviq, dëshmoi para Gjykatës
Speciale në Beograd, se trupat e tij ekzekutuan më shumë se rreth 60 burra në
fshatin Lubeniq të Pejës, më 1 prill 1999. Sipas dëshmisë së tij “burrat që
mund të mbanin armë u ndanë nga gratë, fëmijët dhe të moshuarit. Ata u liruan, por
burrat u ekzekutuan në grup”. Qëllimi sulmit, sipas dëshmitarit Rashkoviq,
ishte që të shfaroseshin të gjithë civilët që jetonin në Lubeniq. Përndryshe,
12 ish-pjesëtarë të Skuadrës 177 të Ndërhyrjes të Ushtrisë Jugosllave, akuzohen
për krime lufte në fshatrat Lubeniq, Pavlan, Qyshk dhe Zahaq – gjatë luftës së
Kosovës në prill dhe maj të vitit 1999. Aktakuza saktëson se qëllimi i sulmit
ishte dëbimi i përhershëm i popullsisë shqiptare. Prokuroria pretendoi në
fillim se të akuzuarit ishin pjesëtarë të njësisë paraushtarake ‘Çakallët’, por
më vonë u konfirmua se ata kishin karta identiteti ushtarake dhe merrnin rroga
nga Ushtria Jugosllave.
