Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një dëshmi përpara trupit gjykues në Hagë, dëshmitari dhe ish-diplomati amerikan, Shaun Byrnes, ka folur lidhur me përmbajtjen e Komunikatës numër 63 të SH të UÇK-së, të publikuar në 27 nëntor të vitit 1998. Sipas dëshmitarit Byrnes, kjo komunikatë kishte për qëllim të vendoste shtabin e përgjithshëm të UÇK-së, në një pozitë të favorshme para komunitetit ndërkombëtar. Në përmbajtjen e dokumentit, bëhet e ditur se shtabi i përgjithshëm i UÇK-së, vendosi të amnistojë një numër të burgosurish, përfshirë dy gazetarët e agjencisë serbe “Tanjug” dhe dy aktivistë të LDK-së, nga Malisheva. Amnistia u shpall në nder të festave të nëntorit dhe u realizua më 27 nëntor të vitit 1998, në prani të vëzhguesve ndërkombëtarë. Ky dokument përshkruan veprimet e UÇK-së si një demonstrim i përkushtimit të tyre për paqen dhe respektimin e konventave ndërkombëtare të luftës dhe paqes, por gjithashtu si një kërkesë ndaj faktorëve ndërkombëtarë për të detyruar regjimin e Beogradit të respektojë të njëjtit konventa. Përfaqësuesit e drejtësisë në Hagë po hetojnë këtë dokument dhe dëshmitë e Byrnes-it, për të zbuluar më shumë detaje rreth amnistisë dhe angazhimeve të UÇK-së në atë kohë.
